睇完何詩蓓攞牌梗係開心啦，聽埋佢嘅訪問，感覺到運動員出賽嘅心理壓力同負擔，真係唔係我地側邊班嘍囉可以明白，更何況係無良心無腦嘅妖孽亂咁吠。睇直播一邊開心，一邊諗住伍家朗。相信好多香港人同我一樣。
剛才開電視孔SIR講咗番話 (都係大約記得)：「泳總頂住唔俾佢地游接力個決定係好嘅安排，無論啲人點鬧都係以運動員行先。仲欣賞主教練自己出嚟話係佢一個人嘅決定，唔關運動員事，幫運動員頂住壓力，希望佢哋可以發揮得好啲。
其實運動員出賽好大壓力，側邊所有人包括隊友都出盡力幫運動員，因為運動員出賽都係80%心理，20%係訓練同體力 (何詩蓓自己個訪問都有講)，出賽壓力不足為外人道，少少嘢都可以影響好大，所以欣賞教練同游總安排，令到何詩蓓可以發揮得最好。
張家朗攞咗個金奬係大家無心理預備，而何詩蓓佢攞牌係大家知道有實力。泳總嘅考慮唔單止係為運動員，仲其實係為咗香港整個泳壇，甚至運動界而決定。
因為香港再攞到牌，全港對運動嘅關注同埋人心嘅凝聚力係比第一個金牌多10倍以上，好似二級地震比一級地震強10倍咁。呢個決定係對於香港一個好重要嘅決定，對於香港泳壇以致體育界嘅影響都好大。泳總同教練頂住壓力，為運動員以至整個體壇考慮，非常欣賞。」
呢啲真係運動員同教練衷心嘅說話，為咗運動員同埋體育界嘅發展而頂住壓力；反觀果個衫又唔幫運動員安排，運動員俾影響又後知後覺，仲要安排件完全唔掂嘅衫俾家朗嘅羽總，真係大把大把咁扯落去。最妙係，攪咗一輪都仲可以個區旗都仲係錯嘅。從來話無比較無傷害，羽總仲勁到無比較都可以傷害全港人嘅感情，真係勁到無倫。
講講下又嬲得我。
最後總結，無論有無牌香港運動員都係勁揪！
BTW，開電視嘅奧運真係做得好好，大家睇VIU之外都可以支持下。
Search